Ikerketa handi bat hasi da Googleren aurka AEBetan

AEBetako 50 estatuk Googleren aurkako ikerketa handi bat abiarazi dute erraldoi teknologikoak monopolioen aurkako legeak hautsi dituelakoan. «Kontsumitzaile askok uste dute Google askatasuna dela, baina ikasi dugu ez dela horrela. Googlek publizitatearen atal guztiak gobernatzen dituen konpainia bat da», esan zuen atzo Texasko fiskal nagusi Ken Paxtonek. Kalifornia eta Alabama ez beste estatu guztietako fiskal nagusiak elkartu dira ikerketan. Atal federalean, Facebook, Apple eta Amazon ere ikertzen ari da Justizia Departamentuak.