Maskara, berriz ere nahitaezko Iparraldean

Gaurtik, aire zabalean maskara erabiltzea derrigorrezkoa izanen da berriro Ipar Euskal Herrian. Pirinio Atlantikoetako Departamenduak atzo iragarri zuen neurria, 200 kasutik gorako intzidentzia dagoela argudiatuta. Langa hori joan den astelehenean ezarri zuen Frantziako presidente Emmanuel Macronek. Maskara ez da nahitaezkoa izanen hondartzetan, ezta naturgune zabaletan ere. 11 urtetik gorako herritar guztiek eraman beharko dute babes neurria.