Bortxaketa bat gaitzetsi dute Tolosan

Kartzelara bidali dute gizon bat, Tolosan (Gipuzkoa) emakume bat bortxatu zuelakoan. Ertzaintzak jakinarazi duenez, 76 urte ditu kartzelatutako gizonak, eta haren etxean lanean aritzen zen emakume bati eraso egin izana egotzi diote. Salaketaren arabera, joan den asteko ostegunean egin zion gizonak eraso emakumeari. Andreak herenegun jarri zuen salaketa. Gizona atzo bidali zuten espetxera. Iluntzean elkarretaratzea egin zuten Tolosan, udalak eta talde feministek antolatuta, Indarkeria sexistarik gabeko herri baten alde lelopean.