«Ondo bidean», Sandro gaur iritsiko da Donostiara

Jokin Aperribaik atzo azaldu zuenez, «gertu» daude Sandro Ramirez Evertoneko aurrelari espainiarra fitxatzetik. Realeko presidenteak jakinarazi zuenez, akordioa lortu dute Sandroren taldearekin eta jokalariarekin berarekin, eta, «ondo bidean», gaur iritsiko da Donostiara, atzo gauean partida baitzuen. Utzita iritsiko da sasoia amaitu arte, eta Realak ez du aukerarik izango hura fitxatzeko. Sandroz gain, Donostiako taldeak asmoa du erdiko atzelari bat fitxatzeko.