Euskarari buruz adostasunak lortzeko bidean, oinarri bat du bereziki gogoan Kontseiluak: euskararen ezagutza zabaltzea, herritar guztiek euskara jakitea. «Euskaraldiak begien bistan jarri digu ezagutzaren unibertsalizazioaren gaia», azaldu du Paul Bilbao idazkari nagusiak. Alegia, hizkuntza ohiturak aldatzeko eta erabileran aurrera jotzeko, ezinbesteko osagaia dela ezagutzan aurrera egitea, kontuan hartuta herritar gehienek ez dutela euskara ulertu ere egiten: %55ek.
Ezagutza zabaltzeko, bi ildo nagusitan eragin nahi dute. Batetik, hezkuntzan: Eusko Jaurlaritzak aurki du aurkeztekoa lege proposamena, eta zehaztu egingo du zer euskara maila lortu behar duten ikasleek, orain arteko zirriborroen arabera. Bestetik, helduen euskalduntzean eragin nahi dute: Jaurlaritzak datorren urtean hasiko da euskaltegietako gastuaren dirua osorik itzultzen gaitasuna lortzen dutenei. B2 mailara arte betiere.
Ezagutza osoa lortzeko neurriak galdegin dituzte
Iruzkinak
Ez dago iruzkinik
Ordenatu