Fran Garagarzaren arabera, denboraldia «bikaina» izan da

Aitor Manterola -

2019ko ekainak 13
Fran Garagarza Eibarreko kirol zuzendaria hedabideen aurrean azaldu zen atzo, eta adierazi zuen lehen taldearen denboraldia«bikaina» izan dela. Esan zuen sinatuko lukeela oraintxe bertan datorren sasoia ere antzekoa izatea, eta klubean lanean ari dira hori horrela izan dadin, ahalik eta talde onena osatzeko. «Jarraitutasuna izatea nahi dugu, taldean dauden jokalariek balio handia dutelako eta erakutsi digutelako gai direla lan ona egiteko», azaldu zuen Garagarzak.

Datorren denboraldian ere kontratua daukaten jokalarien zerrenda plazaratu zuen; 22 dira. Marc Cardona eta Pere Mila ez dira izango, klubak erabaki baitu ez gauzatzea haiei eusteko zeukaten aukera. Dauden batzuek ere ez dute segituko taldean, eta horietako bat Joan Jordan izango da, ziurrenik: «Talde bat baino gehiago dauzka atzetik, eta ikusiko dugu zer gertatzen den». Beste jokalari batzuengatik galdezka ere egin omen dizkiete proposamenak, eta kontu horiek «luze» joko dutela aurreratu zuen. Baten bat utzita joango da, eta, kontratua bukatu zaion arren, Asier Riesgok taldean lekua izan lezake: «Denboraldi baterako eskaintza egin diogu. Eibar esentzia dauka».

Garagarzari berari ere amaitzen zaio kontratua, hil honen amaieran, eta, ondo bidean, berritu egingo du: «Ari gara hizketan, eta klubak eta nik borondate ona dugu hitzarmena luzatzeko».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna