Elisa Balsamok (Trek) bi besoak gora altxatu zituen atzo Tortoliko (Italia) helmugan, Giroko 2. etapan, 106 kilometroko ibilbidean. Esprint estu baten ostean nagusitu zen 24 urteko italiarra, eta Marianne Vos (Jumbo) eta Charlotte Kool (DSM) sailkatu ziren bigarren eta hirugarren, hurrenez hurren. Balsamo, gainera, lider kokatu da, helmugan lortutako hamar segundoko sariari esker. Munduko txapelduna lehenengoz ari da Giroa korritzen, eta jada lehen garaipena zakuratu du. Estreinaldi bikaina, beraz.
Bestalde, Catalina Soto izan zen Bizkaia-Durangoko txirrindularirik onena: hamazazpigarren amaitu zuen. Eukene Larrarte haren taldekidea, berriz, 91. helmugaratu zen.
Etapa, erabat laua
Gaurko etapa ere laua izango da, esprinterrentzat egokia. Cala Gogonen hasi eta Olbian amaituko da, eta txirrindulariek 113 kilometro egin beharko dituzte.
Elisa Balsamok irabazi du Giroko 2. etapa, esprintean, eta lider jarri da
Iruzkinak
Ez dago iruzkinik
Ordenatu
