Noiz sortua: 2020-05-22 00:30:00

Koronabirusa

ELAk eta LABek lan erreforma berehala indargabetu dadila exijitu dute

Arantxa Tapiak eskatu die ituna sinatu duten alderdiei edukia zehaztu dezatela, «gauza bat idatzi baina PSOEk beste bat esan duelako»

Joxerra Senar-Xabier Martin -

2020ko maiatzak 22

Pandemiaren erdian, bat-batean, lan erreforma agenda politikoaren erdigunean jarri du akordioak. Ezinbestean, gizarte eragileek itunaren edukiari erreparatu diote. Sindikatu abertzaleek ontzat jo dute, eta 2012ko lan erreforma berehala eta osorik indargabetzeko eskatu dute. Hala ere, ñabardurak izan dira haien analisietan. ELAk, adibidez, azken lan erreformak indargabetzeko eskatu du, eta ez soilik Mariano Rajoyren agintaldian ezarri zena: 2010ean eta 2011n Jose Luis Rodriguez Zapateroren gobernuak bultzaturikoak ere kentzeko eskatu du. LABek, berriz, lan erreforma osorik baliogabetzeko eskatu du, lan baldintzak okertzeko «erreminta nagusia baita».

ELAk «albiste handitzat» joko luke akordioa hitzez hitz bete eta lan erreforma indargabetuko balitz. Dena den, zalantzak agertu ditu:«PSOEren berehalako erreakzioak eta egoera askotan duen sinesgarritasun faltak aurrerapen gutxi iragartzen ditu. Oso litekeena da testu hori ia puntu bakar batean ere ez aplikatzea», adierazi du, mesfidati. ELAren ustez, azken hiru erreformak kendu ezean, «krisi ekonomiko hau sarraski bat izan daiteke enplegu eta lan baldintzentzat».

Horregatik, garrantzitsutzat jo du akordioa gauzatzea, eta hitza betetzeko eskatu dio PSOEri; bestela, PSOErena izango da etorriko den horren erantzukizun politikoa, ELA sindikatuaren ustez. Premiazko deritzo bi auziri erreparatzeari: batetik, langileak banaka edo enplegua erregulatzeko espediente bidez kaleratzeko aukera berrikusteari; bestetik, lan baldintzak murrizteko neurriak kentzeari, batik bat negoziazio kolektiboaren egitura berrikusiz eta estatuko hitzarmenei lehentasuna emateko klausula ezabatuz.

LABen ustez, «garaipen bat da langileentzat», erreformak kalte handia egin baitie. «Lan prekaritatea amaitzeko hartu beharreko neurria zen, gainera». LABek nabarmendu du negoziazio horretan EH Bilduk langileen eskubideen aldeko defentsa egin duela eta EAJ, aldiz, «Confebasken alde» aritzen dela, «AHT aurrera ateratzeko eta bere interesen mesedetan».

LABen ustez, Madrilgo gobernua sostengatzen duten bi alderdien zeregina da akordioa gauzatzea. ELAren ildo beretik, Zapateroren 2010eko lan erreforma kentzeko ere eskatu du, hark ireki zuelako bidea estatuko hitzarmenek lehentasuna izan zezaten bertako hitzarmenen aldean. Halaber, sindikatuak nabarmendu du Hegoaldeko gobernuek, diputazioek eta udalek baliabide gehiago izatea aurrerapauso bat dela krisi honen ondorioei aurre egiteko.

Tapiak garrantzia kendu dio

Arantxa Tapia Eusko Jaurlaritzako Industria sailburuak, ordea, garrantzia kendu nahi izan dio akordioari. Euskadi Irratiari eskainitako elkarrizketan, Tapiak hiru alderdiei eskatu die zehazteko edukia, «gauza bat idatzi dutelako eta PSOEk beste bat esan duelako». Hain zuzen ere, PSOEk herenegun gauean zehaztu zuen lan erreforma ez duela osorik aldatuko, hiru puntutan baizik: gaixo agiriak eragindako absentismoagatik kaleratzeko aukera kentzea, hitzarmen ekonomikoaren epeei ezarritako mugak kentzea eta enpresa hitzarmenek lehentasuna izatea sektore itunen gainetik.

Tapiaren arabera, lehen puntua «eginda» dago, eta beste biak «hainbat aldiz» negoziatu dira Kongresuan. Sailburuaren ustez, hiru alderdiek azaldu beharko lukete «besterik zer egin daitekeen, horrez gain».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Guardia bat pertsona bezero bati tenperatura hartzen, saltoki baten sarreran, Panama Hirian. ©Bienvenido Velasco / EFE

Munduan sei milioi pertsona baino gehiago kutsatu ditu birusak

Berria

375.000 pertsona hil dira COVID-19aren eraginez. Horien artean 105.000, Ameriketako Estatu Batuetan.

Gasteizko Andre Maria Zuriaren plazako tabernetako terrazak, jendez beteta. ©JAIZKI FONTANEDA / FOKU

Hegoaldea, hirugarren fasearen peskizan

Edurne Begiristain

Datozen egunetan ere datuak onak badira, astelehenean hirugarren fasera pasatuko da Hego Euskal Herria. Erkidegoek kudeatuko dute nolakoa izango den alarma egoeratik ateratzeko azken urratsa

Baionako ostatuetako terrazak, artxiboko argazki batean. ©/ ISABELLE MIQUELESTORENA

Ipar Euskal Herrian bigarren fasean sartu dira gaur

Berria

Besteak beste, ostatuak eta jatetxeak ireki ahal izango dituzte; baita kiroldegiak, jostalekuak, parkeak eta antzerki gelak ere.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna