«Etorkizunari begira, hizkuntzarekin motibatuago nago»

Familia euskaldun batetik datorren iruindarra da Naroa Goñi. Hilabetez euskaraz jarduteko aukera izan du espedizioan, eta lagunekin «egunerokoan izaten ez duen zortea» da hori berarentzat. Eginiko harremanak euskaraz izateak hizkuntzarekiko harremana hobetzen lagundu diola azpimarratu du, esker onez, nahiz eta gainontzekoan familian jarduteko aukera izaten duen. Hilabete espedizioan egin ostean, bere hizkuntzaz eta mailaz harro dagoela adierazi du Iruñeko gazteak.«Etorkizunari begira, neure burua hizkuntzarekin motibatuago ikusten dudala iruditzen zait».