Zientzia eta teknologia gizarteratzeko lanak aitortzen dituzten CAF-Elhuyar sarien irabazleak jakinarazi zituzten atzo; koronabirusaren ondorioz, sari banaketarik egin ezinda. Saridunei 2.000 euroko ordaina eta Imanol Andonegi Mendizabalen eskultura bana emanen dizkiete, dena den. Aurkezturiko 43 lanen artean Galder Gonzalez Larrañagaren Io eta argiaren abiadura artikulua, Leire Sangroniz Agudo kimikako doktorearen tesian oinarrituriko Polimero birziklatu aurreratuen garapena: plastiko-hondakinei bizi berri bat emanez artikulua eta Josu Lopez Gazpio kimikariaren Musikaren zientzia lanak saritu zituzten.
Merezimendu Saria, berriz, Ana Zubiaga Elordieta Genetikako katedradunari eman diote, ikerketan eta dibulgazioan egindako lan oparoagatik. Neiker saria eta Zientzia Gizartean sorkuntza beka eman gabe utzi dituzte aurten, kalitaterik ezagatik.
Gonzalez, Sangroniz, Lopez eta Zubiaga saritu ditu Elhuyarrek
Iruzkinak
Ez dago iruzkinik
Ordenatu
