Lumagorri taldeak salatu du eraso homofobo bat izan zela igande goizaldean, Zigoitiako cruising eremu batean (Araba). Cruising-erako eremuak leku publikoak dira, non normalean gizon homosexualak elkartzen diren sexu harremanak izateko. Hainbat lagun oldartu ziren cruising eremuan zeudenen aurka. Salatu dute bertan zeuden lagunei oihuka, laidoka eta harriak botaz eraso zietela, eta kalteak eragin zizkietela aparkatuta zeuden autoei. Lumagorri taldeak eurekin harremanetan jartzeko eskatu die erasoa jasan edo ikusi zutenei.
Gasteizko jaietan, bestalde, 34 urteko gizonezko bat atxilotu dute, sexu erasoak egitea egotzita. 27 urteko bi emakumeri ukituak egitea leporatu diote; salaketa jarri dute biek. Larunbat gauean izan zen gertaera, Alde Zaharreko taberna batean. Erasoa ikusi zuten pertsonek momentuan erantzun zuten: gizonari portaera aurpegiratu eta Poliziari deitu zioten. EGK Euskadiko Gazteriaren Kontseiluak erasoaren aurkako erantzuna azpimarratu du, eta salaketak jarri izana txalotu du.
Beste eraso sexista bat
Ez da izan asteburuan Gasteizen jazotako eraso bakarra. 33 urteko gizon bat atxilotu zuten igande goizaldean, bikotekidea jotzea leporatuta. Emakumeak Poliziari jakinarazi zion gizonak jo egin zuela, eta ez ziola etxetik ateratzen utzi. Polizia bertaratutakoan, emakumea ihes egin nahian topatu zuten, eraso egin ziotelako Ā«zantzu nabarmenekinĀ».
Zigoitiko 'cruising' eremu batean eraso homofobo bat izan dela salatu dute
Hainbat lagun oldartu ziren eremuan zeudenen kontra. Gasteizko festetan gizonezko bat atxilotu dute, bi emakumeri erasotzea egotzita
Iruzkinak
Ez dago iruzkinik
Ordenatu