Goikoetxearen jarreragatik eman zuen dimisioa Nievesek
Pasa den urtarrilaren 21ean aurkeztu zuen dimisioa Idoia Nieves Nafarroako Ogasun zuzendari ohiak, Lourdes Goikoetxea Ekonomia kontseilariari bidalitako gutun baten bidez. Hiru puntutan kritikatu zituen Goikoetxearen jarrera eta kudeaketa. Lehenengoan, BEZaren itzulera atzeratzeko erabakiaren aurka egin zuen, aurrekoentuetan diru sarrerak gutxitzea eta Espainiarekiko negoziaketetan denbora galtzea eragin zuelako. Bigarrenean, Nafarroako Ogasuneko langileengan «konfiantzarik» ez izatea leporatu zion, bereziki, Nafarroako Unibertsitate Publikoaren, Osasunaren eta ostalaritzako kontu ikuskatze informatikoen inguruko auzietan. Eta hirugarrenean, zerga arloan helbururik ez izatea.
Iruzkinak
Ez dago iruzkinik
Ordenatu