'Raised by Wolves'

Sortzaileak: Aaron Guzikowski, Ridley Scott. Aktoreak: Amanda Collin, Abubakar Salim, Travis Fimmel, Niamh Algar, Winta McGrath. Herrialdea: AEB. Urtea: 2020. Non ikusi: HBO Max. Atal bakoitzaren iraupena: 45 minutu. Generoa: zientzia fikzioa eta drama.

Bigarren denboraldira heldu da Ridley Scottek pantaila txikirako egindako lehen zuzendari lana. Androideak eta haurrak dira protagonista basamortu tankerako unibertso distopiko honetan. Apokalipsi osteko giroan, hezkuntza, erlijioa, kolonizazioa eta boterea dituzte aztergai. Estreinako atalek indarra galdu zuten azken txanpan, eta joera hori iraultzea izango da emanaldi berriaren erronka.