Apustu etxeen aurkako «epaiketa» Gasteizen, «bizitzak jokoan daudelako»

GASTEIZ. Bizi mugimenduak deituta, apustu etxeen aurkako ekintza egin dute Gasteizen. Atzo arratsaldean, Dato kalean dagoen apustu etxearen parean elkartu ziren, negozio horien aurkako epaiketa bat antzezteko. Arabako hiriburuan gero eta lokal gehiago daudelako kezka agertu dute. Bereziki gazteen artean duten eraginak sortu die ardura. «Bizitzak jokoan» daudela ohartarazi dute. «Errudun» jo dituzte.