Nafarroan 10.000 onuradun izango ditu bizitzeko errentak
Nafarroako Gobernuak oraindik ez du kalkulurik egin zenbat aurreztuko duen, «aurrezpenik baldin bada»
IRUÑEA. Nafarroan errenta bermatua jasotzen duten 13.000 onuradunetatik 10.000 pertsona inguruk izango du Espainian onartu berri den bizitzeko gutxieneko diru sarrera jasotzeko eskubidea. Kopuru hori eman du Mari Carmen Maeztu Nafarroako Gizarte Eskubideen kontseilariak, foru parlamentuan, alderdiek egindako galderei erantzunez. Maeztuk azaldu duenez, gobernuak ez daki oraindik Gizarte Segurantzatik etorriko den dirua dela-eta zenbat aurreztuko duen. Bizitzeko gutxieneko diru sarreraren jasotzaileen sarrerak osatu egingo ditu Nafarroako Gobernuak, errenta bermatuaren kopuruetaraino, baina, Maezturen ustez, kudeaketaren transferentzia itxi arte ez da jakingo aurrezkirik badagoen gobernuarentzat.
Iruzkinak
Ez dago iruzkinik
Ordenatu