DONOSTIA. Aske utzi dute Donostiako hilketaren harira atxilotutako gizona. Donostiako Udalak jakinarazi duenez, ikerketa egin ondoren, atxilotua epailearen aurrera eraman zuten atzo, eta hark aske uztea ebatzi zuen.
61 urte zituen hildakoak, eta Errenterian (Gipuzkoa) bizi zen. Donostian eraso zioten igandean, Gros auzoan; lekukoen arabera, jarraika izan zuen gizonezko bat, eta zebra bide batean lurrera bota zuen. Astelehenean zendu zen, buruan zituen zauri larrien ondorioz; ikertzaileek argitu behar dute ea erasotzaileak zerbaitekin jo zuen edo lurraren aurka hartutako kolpeak eragin zizkion. Biktimaren senideek adierazi zuten erasoa grabatua zegoela.
Asteazkenean gizon bat atzeman zuten erasoarekin lotuta, baina udaltzaingoak jakinarazi zuen ezin zuela ziurtatu erasoaren egilea zenik, eta ez zegoela akusaziorik haren aurka. Aske utzi zuen epaileak atzo.
Donostiako hilketarekin lotuta atzemandako gizona, aske
Herenegun atxilotu zuten, baina epaileak erabaki du libre uztea, ikerketaren berri jaso eta gero
Iruzkinak
Ez dago iruzkinik
Ordenatu
