BILBO. Arabako, Gipuzkoako eta Bizkaiko herritarren %65ek gizarte plural batean bizi nahi dute, hainbat jatorri, erlijio eta kulturetako pertsonekin. Hori da Ikuspegi Immigrazioaren Euskal Behatokiak EAEn diskriminazioaren inguruan dauden «usteak eta jarrerak» aztertzeko egindako inkestaren ondorio nagusietako bat. Batez ere bi multzok defendatzen dute gizartearen dibertsitatea: 18 eta 29 urte arteko gazteek (%77,85), eta goi mailako ikasketak dituztenek (%75).
Ikerketa lanean jaso dutenez, diskriminazioa oso nabaria da etxebizitza bat alokatu nahi denean (%82,2), eta hori nozitzen dute, batez ere, baliabide gutxi dituztenek, langabeek, baita atzerriko jatorria dutenek ere. EAEko herritarren %60k uste dute, gainera, justiziaren aurrean pertsona guztiak ez direla berdinak. 1.200 inkesta egin zituzten, iaz, otsaila eta uztaila artean.
EAEko herritarren %65, gizarte plural baten alde
Iruzkinak
Ez dago iruzkinik
Ordenatu