«Ezkerreko indarren baturaren burua» izateko prest Iriarte

DONOSTIA.Maddalen Iriarte «ezkerreko indarren baturaren burua» izateko prest dago Eusko Legebiltzarrerako hauteskundeen ondoren, PSE-EE eta Elkarrekin Podemos horretarako «prest» baldin badaude. Hori adierazi zuen EH Bilduren lehendakarigaiak, atzo, Herri Irratian. Gaineratu zuen, dena den, PSE-EEk, azken urteetan, ez duela erakutsi horretarako prest dagoenik. EAJri ere mintzatu zitzaion Iriarte. «Eskua luzatuko diogu, baldin eta jarraitzen badu ados egoten Euskal Herria nazio bat dela eta erabakitzeko eskubidea duela».

Aitor Esteban EAJren Kongresuko bozeramaileak atzo adierazi zuenez, «bitxia» da Miren Gorrotxategi Elkarrekin Podemosen lehendakarigaiak ezkerreko bloke bat osatu nahi izatea EH Bildurekin eta PSE-EErekin. «Presidenteorde bat eta ministro batzuk ditu guk baietz bozkatu genuelako».