Bilbora helduko den zamaontzi baten aurkako protesta egingo dute gaur

BILBO.Bahri Yanbu zamaontzi saudiarabiarra Bilboko portura iristekoa da asteburu honetan. Amnesty International erakundearen arabera, lehorreratzea ez zegoen aldez aurretik planifikatuta. Ontziak ehunka milioi euroko balioa duten armak garraiatu ditu, eta Saudi Arabiak Yemengo gerran erabili ditu. AIk ez daki lehorreratzea geldialdi teknikorako ote den edo gerra materiala ontziratuko duten. Europako beste hainbat portutan egin bezala, zamaontzi horren aurka elkarretaratzea egingo dute gaur eguerdian, Bilboko Arriaga plazan.