EHUko langileei txertoa jartzeko eskatu du LABek

GASTEIZ. LAB sindikatuak salatu du SARS-CoV-2 birusarekin harreman zuzena duten EHUko dozenaka ikertzaile txertatu gabe daudela oraindik. Arrisku talde batekoak izanda txertatu gabe egotea «onartezina» dela azpimarratu du sindikatuak, eta Eusko Jaurlaritzako Osasun Sailari eskatu dio txertaketa egutegian lehenesteko, eta langile horiek «berehala» txertatzeko.