Iker Dorronsorok Eibarreko teknikari izateari utzi dio

FUTBOLA. Iker Dorronsorok amaitu du Eibarreko aldia. Entrenatzailea ez da eibartarren aulkian eseriko datorren sasoian, klubak ohar bidez adierazi duenez: «Talde armaginak eta Igeldoko prestatzaileak euren bideak bereiztea erabaki dute». Dorronsoroz gain, taldea utziko dute gainontzeko teknikariek ere: Jon Olangua bigarren entrenatzaileak, Beñat Erkizia prestatzaile fisikoak, Mikel Saizar entrenatzaileen atezainak eta Iñigo Caballero osagileak. Dorronsororen multzoak hiru sasoi egin ditu Eibarren; armaginek 14. amaitu dute ligan.

Athleticek, berriz, Itxaso Uriarte jokalaria aurkeztu du. Jokalari arabarrak Realarekin zuen kontratua amaitu ostean egin du Lezamarako urratsa: «Goratzekoa da Athleticek emakumezkoen atalean duen proiektua», esan du. Uriartekbi urterako kontratua sinatu du, eta hirugarren bat osatuko ahalko du, bi aldeek hala erabakiz gero. Bezperan, Mariasun Quiñones Realeko atezain ohia aurkeztu zuen klub zuri-gorriak.