ZARAGOZA. Getxoko (Bizkaia) 54 urteko gizonezko baten gorpua aurkitu zuten atzo Zaragozan (Espainia). Jose Antonio Delgado zuen izena, eta irailaren 6tik desagertuta zegoen. Indarkeria zantzuak zituen haren hilotzak. Ikertzaileek uste dute diru kontu bategatik hil zutela bizkaitarra: Efe agentziari azaldu diotenez, biktima asteburu-pasa joan zen Zaragozara, luxuzko auto batean —sare sozialetan erakutsi zuen ibilgailua—, eta, han, gizon batzuek hil egin zuten, eta gorpua lurperatu, autoa lapurtu eta saldu ahal izateko; autoaren erosleak jarri zituen poliziak jakinaren gainean. Polizia iturriek ez dute argitu inor atxilotu duten.
Bestalde, Castro Urdialesen (Espainia) asteburuan kutxa batean agertutako burua Bilboko gizon batena dela dioen hipotesia indarra hartzen ari da. Andre bat atxilotu eta espetxeratu dute; bilbotarraren bikotekidea da, eta haren etxean bizi da.
Getxoko 54 urteko gizon bat hil dute Zaragozan
Iruzkinak
Ez dago iruzkinik
Ordenatu
