Grebara deitu dute Bidasoa Inprimategian

ZESTOA. Bidasoa Inprimategiko beharginak greba egin zuten atzo, langile batzarrak erabakita eta ELAren babesaz. Gaurko ere lanuztera deitu dute. Helburu ekonomikoak ditu grebak, nagusiki, baita martxan dagoen negoziazioan presioa egitea ere. Beste zenbait produkturen artean, BERRIA eta Gara egunkariak Bidasoako bezeroak dira, eta bertan argitaratzen dira. Bi egunkari horien iturriek azaldu dutenez, beren «lehenengo konpromisoa informazio askatasunarekin eta irakurleekin lotutakoa da». Horregatik, erabaki dute behargin horien eta enpresaren arteko lan gatazkan ez eragitea. Halaber, gatazka hori «lehenbailehen konpontzeko deia» egin dute.