Argentinak akordioa lortu du zorrari buruz

2020ko abuztuaren 5a
00:00
Entzun
BUENOS AIRES. Argentinak iragarri du akordioa egin duela bere zorraren hartzekodunekin, eta horren ordainketa atzeratzea lortu duela, gehienez, 2038. urtera arte. Argentinak 65.000 milioi dolarreko zorra du—58.000 milioi euro inguru— funts handien hiru talderekin, besteak beste, Black Rock ezagunarekin. Maiatzaren 22an amaitu zen adostasun bat lortzeko epea, eta ordutik negoziatzen aritu dira. Buenos Airesko gobernuak atzo jakinarazi zuenez, akordio bat egin dute eta abuztuaren 24an sinatuko dute. Horren arabera, 2005etik 2010era jaulkitako bonuak eta 2016tik aurrerakoak beste bonu batzuekin ordezkatuko dituzte, eta 2029an, 2030ean eta 2038an iraungiko dira. Zor duen dolar bakoitzagatik 54,8 zentimo ordainduko ditu Argentinak datozen bi hamarkadetan. Akordio hori dela eta, Buenos Airesek Nazioarteko Diru Funtsaren esku hartzea eragotzi du. Herrialdea atzeraldian dago 2018. urtetik.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.