Amnesty Internationalek salatu du lehen mailako arta «gainezka» dagoela

MADRIL. AI Amnesty International erakundeak kritika egin die Espainiako Gobernuari eta autonomia erkidegoei, izurriaren bosgarren olatu honetan ere ez dutelako asmatu neurri egokiekin, eta «gainezka» dagoelako berriz lehen mailako osasun arta. Nazioarteko erakundeetatik lehen mailako arta indartze aldera eman diren neurriei ez zaiela jaramonik egin salatu du AIk.