Noiz sortua: 2020-01-15 00:30:00

Baskoniak Zeniti egingo dio bisita gaur Euroligan

Dusko Ivanovic.
Dusko Ivanovic. JUANAN RUIZ / FOKU

Berria -

2020ko urtarrilak 15
SASKIBALOIA. Hiru partida jokatuko ditu aste honetan Kirolbet Baskoniak, guztiak Buesa Arenatik urrun. Lehen lehia gaur du, Euroligan, Zenit San Petersburgoren pabiloian (18:00). Etxeko taldea azkena da sailkapenean, eta arabarrek ezin dute huts egin, zortzi onenen artean egoteko leihairi eusteko. Izan ere, ligaxka aurrera doa pixkanaka. Hemeretzigarren jardunaldia ari dira jokatzen.

Etxean lehia bakarra irabazi du Zenitek, Villerbauneren kontra. Gainera, Gustavo Ayon gabe aritu beharko du uztaipean, pibota min hartuta baitago. Baina Alex Renfroe, Colton Iverson eta Andrew Albicy gertutik zaindu beharko dituzte Baskoniako jokalariek.

Dusko Ivanovic entrenatzaileak argi du non egon daitekeen gakoa: partida hasieran. «Hor ari gara huts egiten. Gogorrago ekin behar diegu lehiei. Are gehiago Zeniten tankerako taldeen kontra. Diziplina handia dute, batez ere defentsan». Gaur ere Luca Vildozak ezingo du jokatu.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

EHUko ateak, Gasteizen, itxita. / ©Raul Bogajo, Foku

Unibertsitateetako ordezkariak Uriarterekin bilduko dira gaur

Berria

Jaurlaritzak ez du baztertzen unibertsitatetan aurrez aurreko klaseei ekitea berriro, nahiz eta Espainiako Unibertsitate ministroak nahiago duen ez itzultzea ikasleak ikasgeletera. «Autonomia» defendatu du Eusko Jaurlaritzak. NUPek ere ez du erabakirik hartu oraindik.

Bidaiari bat, Loiuko aireportuan, alarma egoera hasi berritan. ©MARISOL RAMIREZ / FOKU

Oraingoz ametsak itxaron beharko du

Gotzon Hermosilla

Aste Santuaren atarian, bidaia eta oporretarako asmo guztiak ezerezean gelditu dira; bidaiariek, oro har, etsipen onez hartu dute gertatutakoa, eta batzuk hasiak dira egoera normaltzen denerako planak egiten, agentziak ezkorragoak diren arren.

 ©JAIZKI FONTANEDA / FOKU

«Gizartea otzan edukitzeko saio orokor bat da krisi hau»

Edurne Begiristain

Iturraldek uste du botereak «kontrol soziala» eta «beldurraren estrategia» abiatu dituela koronabirusaren pandemia baliatuta. Egoera zaurgarrian daudenak babestea premiazkoa dela dio.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna