Eskoletan ordutegi jarraitua ezartzeko eskaera egin dute

GASTEIZ. Izurriak eragindako osasun krisiaren ondorioz, hezkuntza komunitateak ikasgeletara era seguruan itzultzeko segurtasunerako bermerik ikusten ez duela eta, pandemiak dirauen bitartean, Eusko Jaurlaritzari ikastetxeetan ordutegi jarraitua ezartzeko eskatu zion Euskadiko Jardunaldia Jarraituaren aldeko Plataformak, atzo egindako agerraldian, Gasteizen.

Salatu zuten hainbat familia «lana eta familia-zaintza ezin uztartzera kondenatuta» daude. «Guraso gehienek egunero lau joan-etorri egin behar dituzte ikastetxera, horrek dakarren arriskuarekin», zioen oharrak. Egoera horri aurre egiteko, «ordutegian aldaketarik egiteko saialdirik ez» dela egon nabarmendu zuten. Hortaz, Jaurlaritzari «pauso bat aurrera eman» dezala eskatu zion plataformak.

Euskal Herriko Ikasleen Gurasoen Konfederazioaren iritziz, bestalde, «egungo ezegonkortas -testuinguruagatik ez da egokia eskola ordutegiari buruz eztabaidatzea». Gainera, konfederazioak uste du eskola ordutegia azterketa pedagogiko eta zientifiko baten esparruan ezarri behar dela, ordutegi akademikoa murriztu gabe.