Segregazioaren aurka egitea adostu dute Eusko Jaurlaritzak eta Gasteizko Udalak

GASTEIZ. Eusko Jaurlaritzako Hezkuntza Sailak eta Gasteizko Udalak elkarbizitzan oinarritutako hezkuntzaren aldeko oinarriak adostu dituzte; neurriak gero zehaztuko dira. Besteak beste, eskola sisteman kohesio handiagoa eta eskolatze orekatua sustatzeko neurriak hartuko dituzte. Kulturartekotasuna eta hezkuntzarako aukera berdintasuna bermatzeko neurriak jartzeko konpromisoa ere agertu dute.