Sei sindikatuk bat egin dute Navaleko langileen etziko manifestazioarekin

SESTAO. ELA, LAB, ESK, CGT, CNT eta Steilas sindikatuek eta Ezkerraldeko hainbat gizarte eragilek bat egin dute Navaleko langileek larunbaterako antolatutako manifestazioarekin. Ezkerraldean bizi eta lan: langabezia, prekarietate eta pobrezia gehiagorik ez leloa izango du, eta 18:00etan abiatuko da, Bihotz Sakratuaren plazatik. Ehun urteko historia duen ontziola ez ixteko eskatuko dute, baina baita Ezkerralde osoaren desindustrializazioari «galga jartzeko» ere, uste baitute haren ordez enplegu prekarioa zabaltzen ari dela.