Victor-Albisu eta Irribarria-Zabaleta ezer jokoan ez dutela ariko dira, Labriten

PILOTA. Binakako Txapelketako finalerdietako ligaxkako partida jokatuko dute gaur Victorrek eta Albisuk Irribarriaren eta Zabaletaren kontra. (18:15, ETB1). Ez dago ezer jokoan lehian. Bi bikoteen geroa txapelketan erabakita dago, aurreko jardunaldiaren ondoren. Irribarria eta Zabaleta sailkatuta daude apirilaren 5eko finalerako; Victor eta Albisu, berriz, aukerarik gabe daude, ligaxkako bi partidak galdu eta gero. Partida erabakigarria bihar jokatuko dute Atanato III.a pilotalekuan Altunak eta Martijak Elezkano eta Rezustaren aurka.