Ermuko alkateak onartu du zabortegia mendi batean jartzea ez zela «egokia» izan

ZALDIBAR. ELA, LAB, Steilas, ESK, Etxalde eta Hiru sindikatuek «ardura politikoak garbitzea» galdegin dute, Zaldibarko zabortegia (Bizkaia) amildu eta bi urtera. Frogatutzat jo dute Verter Recicling enpresak «zuzeneko erantzukizuna» izan zuela Joaquin Beltranen eta Alberto Sololuzeren heriotzan, baina erakunde publikoei egotzi diete «kontrolik ez egitea». Ermuko alkate Juan Carlos Abascalek (PSE-EE) ere onartu du zabortegia mendi batean jartzea ez zela «egokia» izan. Bihar, protesta egingo dute Ermuan, Zaldibar Argituk deituta.