Gerarazi egin dute errauste plantaren bigarren fasea
DONOSTIA. Cespa eta Campezo enpresek osatutako taldeak helegite bat jarri du Zubietako errauste plantaren inguruko azpiegiturak —egitasmoaren bigarren fasea dira— egiteko lanen adjudikazioaren aurka. Gipuzkoako Diputazioak halako auziak argitzeko duen foru auzitegian aurkeztu dute helegitea, eta, hori argitu bitartean, gerarazi egingo da lanak egiteko prozesua. FCC enpresak aurki hasteko asmoa zuen, baina ezingo du. Fase honetan biometanizazio planta bat eta erraustegiko eskoriak «balioztatzeko» planta bat egingo dituzte. Gehienera, hiru hileren buruan jaso beharko da erantzuna.
Iruzkinak
Ez dago iruzkinik
Ordenatu