Poelsek irabazi du erlojupekoa Paris-Nizan, eta Luis Leon Sanchezek segitzen du lider
TXIRRINDULARITZA. Erlojupeko etapa jokatu zen atzo Paris-Nizan, eta Wout Poels (Sky) izan zen indartsuena. La Foullous eta Saint Etienne artean jokatu zen, eta 18,4 kilometrotan 11 segundo atera zizkion Marc Solerri (Movistar). Ion eta Gorka Izagirre (Bahrain) bosgarren eta seigarren sailkatu ziren, hurrenez hurren, 27 segundora. Gorka laugarren dago sailkapen nagusian, eta Ion, zazpigarren. Luis Leon Sanchezek (Astana) lehen postuan segitzen du. Bestalde, atzo hasi zen Tirreno Adriatiko. BMCk irabazi zuen taldekako erlojupekoa, eta Dimiano Caruso da itzuliko lehen liderra.
Iruzkinak
Ez dago iruzkinik
Ordenatu