BAIONA. Baionako bestetan, emakume batek bi gizonek bortxatu zutela salatu zuen. Hala, Frantziako Poliziak ikerketa abiatu zuen, eta afera Paueko (Okzitania) Auzitegiaren esku gelditu da, talde bortxaketagatik. Ikerketapean ezarri dituzten bi gizonak kontrol judizialpean aske utzi zituen epaileak, baina, herenegun, Paueko prokuradoreak biak espetxeratzeko galdetu zuen, auzia etorri arte.
Biktimari «presio»egingo diolako arriskua dagoela erran du, baita ihes egiteko arriskua dutela ere. Epaileak bihar erranen du fiskalaren galdea onartzen duen ala ez, eta, beraz, bi gizonak behin-behinean preso sartzeko agintzen duen. Emakumeak salatu zuen gizonetako baten etxean gertatu zela bortxaketa, Angelun (Lapurdi), Baionako besten denboran; zehazki, uztailaren 28ko gauean.
Bi gizon preso sartzeko eskatu du fiskalak
Iruzkinak
Ez dago iruzkinik
Ordenatu
