AMURRIO. Baldintzarik gabe eta bermerik ordaindu gabe, aske utzi dute Amurrioko (Araba) erasoarekin lotura zuelakoan herenegun atxilotutako polizia ohia. Armak legez kanpo edukitzea leporatu diote; ez, ordea, Amurrioko baserri baten aurka tiro egin izana.
Joan den igandean, ezker abertzaleko familia baten baserriari tiro egin zioten Amurrion. Bala batek, sukaldeko leihoa zeharkatu, kristala hautsi, eta horma jo zuen, baina ez zen inor zauritu, erasoaren unean familiako zenbait kide baserrian izan arren. Ertzaintzak asteartean identifikatu zuen polizia ohia, eta, egun horretan haren etxea miatzean, munizioa topatu zuten, baina ez erasoa egiteko erabilitako pistola. Herenegun topatu zuen Ertzaintzak pistola hori, eta atxilo hartu zuten gizonezkoa.
Amurrioko erasoa egitea egotzitako polizia ohia, aske
Iruzkinak
Ez dago iruzkinik
Ordenatu