Bizkaiko EAJ, «lanak ondo eginda» bozetara

BILBO. «EAJ berriro aurkezten da, gizartearen aurrean, lanak ondo eginda». Hala esan du Itxaso Atutxa EAJren BBBko presidenteak, Bilbon, Euskalduna jauregian, 2019ko udal eta foru hauteskundeetarako alderdiaren Bizkaiko hautagaien aurkezpenean. Herrialdeko 112 udalerrietatik 110etan aurkeztuko ditu zerrendak EAJk —Amorotok eta Gizaburuagak erregimen berezia daukate—. Unai Rementeria ahaldungai nagusiak adierazi du Bizkaiak «olatu ona» hartu duela, eta EAJ dela «bizi kalitatearen bermea». Juan Mari Aburto Bilboko alkategaiaren arabera, «herritarren zerbitzura» daude jeltzaleak.