LARRABETZU. Joan den igandetik desagertuta zegoen gizonezkoaren hilotza topatu zuten atzo, Gorbeia inguruan. Jose Migel Etxeandia euskal preso ohiarena da gorpua, eta haren bila zebiltzan larrialdi zerbitzuek eta boluntarioek aurkitu dute. Gorbeia mendiko Arraba landetan ikusi zuten azkenekoz, igandean, Larrabetzura (Bizkaia) familiarengana zihoala. Ordutik ez zuten haren berririk, eta asteartean hasi ziren bila. 59 urte zituen.
Euskal preso ohia zen Etxeandia, eta 2015ean geratu zen libre. Larri gaixo zegoen, baina 2003tik egon zen espetxean, eta, gaixotasunagatik kartzelaldia eteteko eskatu arren, zigorra osorik beteta gelditu zen libre. EH Bilduko eta Sortuko hainbat kidek doluminak adierazi dizkiete senitartekoei, eta atsekabea adierazi, Etxeandiaren heriotzagatik. «Hunkituta gaude ezker abertzaleko kideok Josemiren heriotzaren berriarekin. Doluminak bere senideei, lagunei eta Larrabetzuko herriari. Adiorik ez, lagun», idatzi du sare sozialetan Arkaitz Rodriguez Sortuko idazkari nagusiak.
Jose Migel Etxeandia hilik topatu dute
Iruzkinak
Ez dago iruzkinik
Ordenatu