FUTBOLA. Realak eta Athleticek sasoiko etxeko lehen partida jokatuko dute gaur, eta biak ala biak aurreneko garaipena lortzen saiatuko dira. Ez dute lan erraza izango baina, aurkari gogorrak baitituzte. Athleticek Madril hartuko du Lezaman (12:00), eta Realak Levante Zubietan (18:30, Gol). Bi aurkariek lehen jardunaldiko partidak itxura ona emanda irabazi zituzten.
Athleticek Levanteren zelaian galduta hasi zuen liga, eta ez zuen ondo jokatu. Gaur du bidea zuzentzeko aukera, urduritasuna zabaltzen hasi baino lehen. Angel Villacampak Lezaman zuzenduko duen lehen partida da, eta bi hutsune garrantzitsu ditu urreko lerroan: Nekane eta Yulema Corres.
Realak, bestalde, maila hobea eman zuen lehen partidan, baina, 0-2 irabazten hasi ondoren, bina egin zuen. Emaitza hark aho zapore txarra utzi zion, eta gaur saiatuko da gozatzen. Levantek, aldiz, esan bezala, merezita irabazi zion Athletici. Valentziako taldeak, beste behin, multzo lehiakorra du.
Athletic eta Reala, ligako lehen garaipenaren bila
Iruzkinak
Ez dago iruzkinik
Ordenatu
