%93

TXATARRAREN JAITSIERA

2008tik %93,5 apaldu da txatarraren trafikoa Pasaiako portuan, bereziki Zumarragako Arcelor lantegia itxi zutenetik. Azken urteetan izandako daturik baxuenak dira: bi milioi tona garraiatzen ditu urtean, batez beste.

Portua, gain behera. Urtez urte, garraioa behera egiten ari da. 2003an, sei milioi tonako garraioa kudeatu zuen, egungoa halako bi. Portuko jarduerari eusteko bide berriak bilatzen ari dira: kontainerren garraioa erakarri nahi dute, baita turisten ontziak ere. Halere, aurreikuspenak ez dira batere onak.