HENDAIA. Lapurdiko hondartzak ireki egin zituzten atzo, Eric Spitz Pirinio Atlantikoetako prefetak baimena emanik. Hendaian, Ziburun, Donibane Lohizunen, Getarian, Bidarten, Miarritzen eta Angelun daude hondartzak Lapurdiko kostaldean, eta horietara joan daitezke jada herritarrak, modu «dinamikoan» erabilita, betiere. Hots, bainurako, ibiltzeko eta bertzelako jardueretarako erabili ahal izanen dituzte hondartzak adibidez, kirola egiteko, baina geldirik ezinen dira egon.
Ortzegunean bilkura egin zuten prefetak eta hondartza duten herrietako auzapezek, eta gaurtik aitzina izan dute hondarretara joateko eskubidea. Orain arte itxita egon dira hondartzak, baita paseorako eta kirolerako ere.
Koronabirusa
Herritarrei hondartzak ireki dizkiete Lapurdi kostaldean
Bainatzeko, ibiltzeko eta bertzelako jardueretarako ireki dituzte hondartzak, baina ezinen da hareatan geldi egon
Iruzkinak
Ez dago iruzkinik
Ordenatu