Enplegua espero baino gutxiago hazi da AEBetan

WASHINGTON. Abuztuan 235.000 bat enplegu bakarrik sortu dira AEBetan, ekonomistek euren aurreikuspenetan 733.000 lanpostu inguru espero zituztenean, uztaileko 1,1 milioiko igoeraren ostean. COVID-19aren delta aldaera kutsagarriagoa izan da, analisten ustez, datu txarraren arrazoi nagusia, eta horren erakusle litzateke ez dela inolako enplegu hazkunderik izan aisialdi eta hotelen sektorean, eta ostalaritzan 42.000 enplegu galdu direla.

Analistak beldur dira delta aldaerak irailean, eta ziurrenez urrian ere, ez ote duen jarraituko AEBetako suspertze ekonomikoari kalte egiten. Halere, datorren astelehenean iraungiko dira pandemia dela-eta hilabeteotan 7,5 milioi langaberengana iritsi diren laguntza bereziak.