IRUÑEA. Heldu da koronabirusaz kutsatutakoak atzemateko eta erregistratzeko aplikazioa Nafarroara. Datorren astelehenean jarriko dute erabilgarri herritar guztientzat, baina atzo ezagutarazi zuen Santos Indurain Nafarroako Osasun kontseilariak. Telefono arteko harremana detektatuko du programak, bluethooth bidez, eta, horregatik, herritarren «kolaborazioa» eskatu zuen kontseilariak. Aplikazioa sakelakoan deskargatu, eta, ondoren, aktibatu egin behar da: «Keinu txiki batek asko erraztu dezake prozesua», azpimarratu zuen Indurainek.
RadarCoviden xehetasunak ere eman zituen Juan Cruz Cigudosa Unibertsitate, Berrikuntza eta Transformazio Digitaleko kontseilariak, eta nabarmendu zuen aplikazioa «osagarri»bat izango dela. Ez du identifikazio pertsonalik eskatzen, eta, hortaz, inork ez du edukiko aplikazioa dutenen informaziorik. Oraingoz, ez dago euskaraz.
Koronabirusa
Martxan da Nafarroan birusa atzemateko aplikazioa
Iruzkinak
Ez dago iruzkinik
Ordenatu
