Beste zilar bat eta beste brontze bat lortu dituzte

Euskal selekzioa bigarren izan da gizonezkoen 560 kilokoan eta hirugarren emakumezkoen 500 kilokoan
560 kiloko euskal selekzioko tiralariak, podiumean, zilarrezko dominekin.
560 kiloko euskal selekzioko tiralariak, podiumean, zilarrezko dominekin. LUR GIL

Berria -

2018ko irailak 22
SOKATIRA. Jardunaldi bat falta da oraindik Lurmutur Hirian (Hegoafrika) lur gaineko sokatirako Munduko Txapelketa amai dadin, baina Euskal Herriko sokatiralariek jada berdindu egin dute inoiz txapelketa horretan irabazitako domina kopurua. Beste bi lortu zituzten atzo, selekzioen arteko lehen jardunaldian: zilarrezkoa, gizonezkoen 560 kilokoan, eta brontzezkoa, emakumezkoen 500 kilokoan. Beraz, jada sei irabazi dituzte Hegoafrikan, zilarrezko hiru eta brontzezko beste hiru. Kopuru bera irabazi zuten duela lau urte Wisconsinen (AEB) eta orain bi urte Malmoen (Suedia).

Uzta oparoagoa izan zitekeen, 560 kilokoan oso gertu izan zutelako urrezko domina. Oso final estua izan zuten Alemaniarekin, eta, azkenean, tiraldi erabakigarrian eman zuten amore.

Gaur amaituko da lehia, eta selekzioka ariko dira berriro gizonezkoen 720 kilokoan eta emakumezkoen 640 eta 540 kilokoetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna