Europak mugak itxi nahi ditu osasun krisietan
BRUSELA. Europako Batzordeak Schengen eremuaren erreforma baterako zirriborroa onartu du, eta, horren arabera, kide diren estatuek erreformari oniritzia emango baliote, Europako Batasunak bere gain hartuko luke mugak ixteko eskumena osasun krisiren bat baldin badago, erabaki hori herrialdeen esku utzi beharrean. COVID-19aren pandemian, estatu bakoitzak ezarri ditu bere arauak beste herrialde batzuetatik etorritako bisitariak sartzen uzteari dagokionez. Halaber, erreformak aukera emango lioke Europako Batasunari herrialdeen arteko kontrolak ezartzeko, migrazio jarioak kontrolatu eta mozteko helburuz.
Iruzkinak
Ez dago iruzkinik
Ordenatu