Erantzun immunitario ahula dutenei laugarren dosia jartzea onetsi du EMAk

HAGA. EMA Sendagaien Europako Agentziak ontzat eman du erantzun immunitario ahula dutenei COVID-19aren aurkako txertoaren laugarren dosia jartzen hastea: «Arrazoizkoa izan daiteke». EMAko adituek, ordea, ez dute argi beharrezkoa den laugarren ziztada hori halako arazorik ez dutenei jartzea. Adierazi dute luzera begira ez dela hori izango «erantzun iraunkor bat emateko» era. Agian, urtaro hotzetarako jartzea izan daiteke bide bat.