Leka-Eneako gizonek eta emakumeek Txapeldunen Liga jokatuko dute

MAHAI-TENISA. Balentria egin du Leka-Enea (Gipuzkoa) Irungo mahai-tenis taldeak. Izan ere, taldeko gizonezkoek eta emakumezkoek emaitza bikainak lortu dituzte denboraldi honetan, eta, horri esker, Txapeldunen Liga jokatuko dute. Irungo taldeak eskarmentu handia du Europako lehiaketetan: gizonezkoek hamalau sasoi daramatzate jarraian, eta emakumezkoek, bederatzi. Gaur egingo dute zozketa.