Umeei txertoa jartzeko orduak, hilaren 14tik

GASTEIZ. Hilaren 15ean abiatuko da 5 eta 11 urte arteko umeen txertaketa, eta Jaurlaritzak jakinarazi du hilaren 14ko arratsaldetik izango dela orduak hartzeko era. Aurrena, 9-11 urte arteko haurrei emango zaie ordua hartzeko era; txertoak eduki ahala, adinean behera egingo dute. Nafarroak iragarria du aurrena landa eremuan bizi diren umeei jarriko dietela txertoa; gero, Iruñerako urratsa egingo dute. Hilaren 15ean hasiko dira Nafarroan ere. Esango dute ordua nola hartu.