Eizmendi, berriz ere txapeldun Igeldoko Harrian
HARRI-JASOTZEA. Jokin Eizmendik bosgarren aldiz irabazi zuen atzo Igeldoko Harria Txapelketa. Hamabost altxaldi eman zizkion 134 kiloko harri baldarrari bost minutuko saioan. Duela bi urte baino altxaldi bat gutxiago eman zion —iaz, gaixo, ez zuen parte hartu—. Bigarren Beñat Telleria izan zen, ezustekoa emanez. Hark hamalau eman zizkion, Gorka Etxeberria hirugarrenak baino bat gehiago. Deigarria izan zen Imanol Illarramendi eta Mikel Lopetegi Urra-ren jarduna. Iaz lehen biak izan ziren, baina atzo azken postuetan bukatu zuten, zazpi eta sei altxaldirekin, hurrenez hurren.
Iruzkinak
Ez dago iruzkinik
Ordenatu