TXIRRINDULARITZA. Michael Matthewsek (Sunweb) irabazi zuen atzo Kataluniako Voltako bigarren etapa. Australiarra azkarrena izan zen aldapa gorako esprintean, Alejandro Valverde (Movistar) eta Daryl Impeyren (Mitchelton) aurretik. Sailkapen nagusian, Thomas De Gendtek (Lotto-Soudal) lider jarraitzen du. 2.47ra du Valverde eta 2.48ra Matthews. Chris Froomek (Sky) jada ez du aukerarik. Erori egin zen atzo, eta 14.04 galdu zuen.
De Gendtek maillot zuriari eusteko lehen erronka serioa izango du gaur, mendiko saio gogorra baitute. 179 kilometro egingo dituzte Sant Feliu de Guixols eta Vallter 2000 eski estazioaren artean. Lehen mailako bi mendate eta mailaz kanpoko bat igoko dituzte azken 50 kilometroetan: Oix —7,7 kilometro eta %5,2ko malda—, Rocabruna —7,3 eta %5,8— eta Vallter 2000 —11,2 eta %7,6—.
Voltaz gain, World Tourreko beste proba bat jokatuko dute gaur, Brujas-De Panne klasikoa. Esprinterrak dira faboritoak: Elia Viviani (Quick Step), Fernando Gaviria (UAE), Dylan Groenewegen (Jumbo)...
Matthewsek irabazi du Voltan; De Gendtek segitzen du lider
Froome erori egin da, eta 14.04 galdu du helmugan. Gaur itzuliko mendiko aurreneko etapa jokatuko dute
Iruzkinak
Ez dago iruzkinik
Ordenatu
