Elezkano-Zabaleta eta Ezkurdia-Merino aurrez aurre izango dira gaur, Iruñean

PILOTA. Lau partida irabazi eta beste hainbeste galdu ondoren, sailkapenean pauso polita emateko aukera daukate gaur Elezkano II.a-Zabaletak eta Ezkurdia-Merino II.ak. Iruñeko Labriten jokatuko dute bi bikote horiek (17:45, ETB1). Lehen itzuliko partidan, urtarrilaren 15ean, Ezkurdiak eta Merinok 22-15 irabazi zieten Jaka eta Zabaletari. Elezkano II.a min hartuta zegoen, eta gaur itzuliko da kantxara.